صدر پاکستان آصف زرداری سے امریکی سفیر ڈونلڈ بلوم کی ملاقات
اسلام آباد (پاکستانی نیوز) ترجمان امریکی سفارتخانہ کے مطابق امریکی سفیر ڈونلڈ بلوم نے صدر آصف علی زرداری سے ملاقات کی۔
ترجمان کے مطابق صدر آصف زرداری سے ملاقات میں دوطرفہ تعلقات کے اہم معاملات پر تبادلہ خیال کیا گیا، اقتصادی اصلاحات کیلئے امریکی تعاون، انسانی حقوق، علاقائی سلامتی کے امور پر بھی گفتگو کی گئی۔
امریکی سفیر نے دونوں ممالک کے مشترکہ مفادات کی اہمیت پر روشنی ڈالی، مشترکہ اہداف، اعلیٰ سطح کے روابط اور گرین الائنس فریم ورک پر بھی بات چیت کی گئی۔
ترجمان کے مطابق امریکی سفیر نے شمالی وزیرستان میں حالیہ دہشت گرد حملے میں فوجیوں کے جانی نقصان پر افسوس کا اظہار کیا۔
امریکی سفیر ڈونلڈ بلوم نے یقین دہانی کرائی کہ امریکہ دہشت گردی کیخلاف جنگ میں پاکستان کے ساتھ کھڑا ہے۔
