نائب وزیراعظم کاغزہ میں اسرائیلی حملوں پر اظہار تشویش

نائب وزیراعظم اور وزیر خارجہ محمد اسحاق ڈار نے او آئی سی سربراہ اجلاس سے خطاب کرتے ہوئےغزہ میں اسرائیل کےوحشیانہ فوجی حملوں پر گہری تشویش کا اظہار کیا ہے ۔
وزیر خارجہ اسحاق ڈار نے کہاکہ اوآئی سی ممالک غزہ میں جنگ بندی اور بلاتعطل انسانی امداد کیلئے مل کر کام کریں۔ انہوں نے خودمختار فلسطینی ریاست اوراقوام متحدہ میں اسکی مکمل رکنیت کیلئےپاکستان کی حمایت کا اعادہ بھی کیا ۔ وزیر خارجہ نے کہاکہ اسلامو فوبیا اور مسلمانوں کیخلاف امتیازی سلوک کی مذمت کرتے ہیں۔ او آئی سی کی جانب سے اسلامو فوبیا پر خصوصی ایلچی کی تقرری قابل ستائش ہے۔
وزیر خارجہ نےمقبوضہ جموں و کشمیر کے حوالے سے گفتگو کرتے ہوئے کہاکہ بھارت نہتے کشمیریوں پر مظالم ڈھا رہا ہے۔ او آئی سی جموں و کشمیر پر اپنے ایکشن پلان پر عملدرآمد کرے۔ انہوں نے کہاکہ بھارتی رہنماؤں کے پاکستان مخالف بیانات سے علاقائی استحکام کو خطرہ ہے۔پاکستان کو بیرونی سپانسرڈشدہ دہشتگردی کا سامناہے۔ انہوں نے کہاکہ او آئی سی عالمی اقتصادی ترقی میں اہم کردار ادا کر سکتی ہے۔ رکن ممالک موسمیاتی تبدیلی جیسے چیلنجز سے نمٹنے کیلئے ملکر کام کریں۔ وزیر خارجہ نے سلامتی کونسل میں بھی اصلاحات کیلئے پاکستان کی حمایت کا اظہار کیا ۔