فلسطین میں بچوں اور عورتوں کا قتل بند کرو ، نسل کشی بند کرو عالمی برادری اسرائیل کو ہتھیاروں کی فراہمی بند کرے، صدر محمود عباس کا مطالبہ 

نیویارک اقوام متحدہ ( ذیشان شمسی ) فلسطینی صدر محمود عباس نے جمعرات کو اقوام متحدہ میں اپنے خطاب میں امریکہ پر تنقید کرتے ہوئےعالمی برادری سے مطالبہ کیا کہ وہ اسرائیل کو ہتھیار بھیجنا بند کر دے تاکہ مغربی کنارے اور غزہ میں خونریزی کو روکا جا سکے ۔محمود عباس نے کہا کہ واشنگٹن نے اسرائیل کو غزہ میں اپنی جنگ کےلیے سفارتی ڈھال اور ہتھیار فراہم کرنے کا سلسلہ وہاں ہلاکتوں کی تعداد میں اضافے کے باوجود جاری رکھا۔ حماس کے زیر انتظام غزہ میں وزارت صحت کے مطابق اب یہ تعداد 41,534 ہے۔اقوام متحدہ کی جنرل اسمبلی سے خطاب کرتے ہوئے محمودعباس نے کہا "یہ جرم بند کریں۔ اب بند کریں۔ بچوں اور عورتوں کا قتل بند کریں۔ نسل کشی بند کرو۔ اسرائیل کو ہتھیار بھیجنا بند کرو۔ یہ پاگل پن جاری نہیں رہ سکتا۔انہوں نے کہا غزہ اور مغربی کنارے میں ہمارے لوگوں کے ساتھجو کچھ ہو رہا ہے اس کی ذمہ دار پوری دنیا ہے