پی ٹی آئی کی تاریخ،کوئی احتجاج،ریلی پرامن نہیں رہی،ڈار

اسلام آباد(سعد عمر) پی ٹی آئی کی تاریخ ہے کہ ان کا کوئی احتجاج یا ریلی پر امن نہیں رہی۔ان خیالات کا اظہار نائب وزیراعظم اور وزیر

خارجہ اسحاق ڈار نے اسلام آباد میں غیر ملکی سفیروں سے گفتگو کرتے ہوئے کیا۔
نائب وزیر اعظم نے کہا کہ قانون کے مطابق ریڈ زون میں کوئی احتجاج نہیں کیا جاسکتا۔24 نومبرکو غیر ملکی وفد پاکستان کے دورے پر تھا اور ایسے موقع پر ایک جماعت نے حیران کن طور پر احتجاج کا اعلان کیا۔
اسحاق ڈار نے کہا کہ ماضی میں بھی پی ٹی آ ئی نے انتخابات میں دھاندلی کے الزام پر احتجاج کیا اور 35 پنکچر کا بیانیہ بنایا لیکن کمیشن نے دھاندلی کے دعوے جھوٹے قرار دیے تاہم پی ٹی آئی قیادت نے معاہدے کے مطابق غلط الزام کی معافی نہیں مانگی۔
انہوں نے کہاکہ اسلام آباد میں کسی احتجاج کے لیے مقامات کا تعین کیا گیا ہے، حکومت نے تحریک انصاف کو ریڈ زون میں احتجاج سے باز رکھنے کے لیے ان سے مذاکرات کیے۔