سعودی عرب کا پاکستان۔ افغانستان جنگ بندی معاہدے کا خیرمقدم

سعودی عرب نے پاکستان اور افغانستان کے درمیان فوری جنگ بندی کے معاہدے کا خیر مقدم کیا ہے۔ ترجمان وزارت خارجہ نے کہا کہ سعودی عرب دونوں ممالک کے درمیان پائیدار امن اور علاقائی سلامتی کا خواہاں ہے۔
سعودی وزارت خارجہ کی جانب سے جاری بیان میں قطر اور ترکیہ کی ثالثی میں پاکستان اور افغانستان کے درمیان فوری جنگ بندی معاہدے کا خیر مقدم کیا گیا ہے۔ سعودی عرب دونوں برادر اسلامی ممالک کے درمیان باہمی تعلقات کے فروغ کے علاوہ امن، سلامتی اور عوامی جان و مال کے تحفظ کا خواہاں ہے۔ سعودی وزارت خارجہ نے قطر اور ترکیہ کے تعمیری اور عملی کردار کو سراہا ہے جس کی بدولت فوری جنگ بندی کا معاہدہ طے پایا ہے۔