عمران خان کی رہائی کا واحد راستہ قانونی چارہ جوئی ہے، احسن اقبال

عمران خان کی رہائی کا واحد راستہ قانونی چارہ جوئی ہے۔بانی پی ٹی آئی عدالتوں میں اپنی بے گناہی ثابت کریں۔اگر عدالتیں انہیں کلیئر کرتی ہیں تو ان کی رہائی ممکن ہوجائے گی۔
وزیر منصوبہ بندی احسن اقبال نے لاہور میں پریس کانفرنس کرتے ہوئے کہا کہ مقدمات سے کلیئر ہوئے بغیر حکومت کسی انتظامی اختیار سے انہیں رہا نہیں کرسکتی۔
احسن اقبال نے کہاکہ عمران خان نے مجھ سمیت مسلم لیگ ن کی مرکزی قیادت کو انتقامی ہتھکنڈوں کا نشانہ بنایا، ہم نے ان جھوٹے اور بوگس مقدموں کے ردعمل میں امریکی کانگریس میں جاکر ان کے کانگریس مین اور سینیٹرز کے پاؤں پکڑے تھے، نہ ہم نے برطانوی ہاؤس آف لارڈز میں ان کے لارڈز کے آگے ہاتھ باندھ کر استدعا کی تھی، نہ ہی ہم نے اقوام متحدہ یا کسی بین الاقوامی فورم پر جاکر پاکستان کے خلاف اپنا مقدمہ پیش کیا تھا۔