وزیراعظم کامہنگائی کی شرح 81 ماہ کی کم ترین سطح پر آنے پر اظہار اطمینان
وزیر اعظم شہباز شریف نے مہنگائی میں 81 ماہ کی کم ترین سطح پر آنے پر اطمینان کا اظہار کیا ہے۔
اپنے ایک بیان میں انہوں نے کہا کہ گزشتہ ماہ مہنگائی کی شرح میں 4.1 فیصد تک کمی نیک شگون ہے۔
وزیراعظم نے کہا کہ میکرو اکنامک استحکام کا حصول صرف آغاز ہے۔
وزیراعظم نے کہا کہ حکومت نے اُڑان پاکستان کا آغاز کیا ہے، جو کہ ایک مقامی پانچ سالہ نیشنل اکنامک ٹرانسفارمیشن پلان ہے، جو پاکستان کو دنیا کے صف اول کے ممالک میں شامل کر دے گا۔
