صدر کا مشرقِ وسطیٰ کی کشیدہ صورتحال پر اظہار تشویش
عالمی برادری بحران کے خاتمے کے لیے اپنا کردار ادا کرے،آصف علی زرداری
صدر آصف علی زرداری نے مشرقِ وسطیٰ میں بڑھتی ہوئی کشیدگی پر تشویش کا اظہار کیا ہے۔
صدر مملکت نے کہا کہ مشرقِ وسطیٰ کی صورتحال بے قابو ہو سکتی ہے، لاکھوں معصوم جانوں کو خطرہ ہے۔ تمام فریق صبر و تحمل کا مظاہرہ کریں۔
صدر نے فریقین کو پرامن راستہ، مکالمہ اور سفارت کاری اپنانےکی ضرورت پر زور دیا ۔
آصف علی زرداری نے کہا کہ مشرقِ وسطیٰ میں دیرپا امن اور استحکام کے لیے مکالمہ ضروری ہے۔ عالمی برادری بحران کے خاتمے کے لیے اپنا کردار ادا کرے۔ انہوں نے کہا کہ خطے کے استحکام اور عوام کی بھلائی کے لیے عالمی کوششیں ناگزیر ہیں۔
