سٹاک مارکیٹ ایک لاکھ 60 ہزار کی حد عبور کر گئی،وزیراعظم کا اظہار مسرت

وزیراعظم محمد شہباز شریف نے پاکستان سٹاک ایکسچینج کے ایک لاکھ ساٹھ ہزار پوائنٹس کی تاریخی سطح عبور کرنے پر اطمینان کا اظہار کیا ہے۔
اپنے ایک بیان میں وزیراعظم نے اسے کاروباری برادری کے حکومتی پالیسیوں پر اعتماد کا مظہر قرار دیا۔
انہوں نے کہا کہ اللہ تعالیٰ کے فضل و کرم سے کاروباری برادری اور حکومت کی انتھک محنت کے نتیجے میں سٹاک ایکسچینج میں ہر دن بلندیوں کی ایک نئی تاریخ رقم ہو رہی ہے۔
وزیراعظم نے کہا کہ ملک معاشی استحکام کے بعد معاشی ترقی کی جانب گامزن ہے۔
شہبازشریف نے کہا کہ اب اقتصادی ترقی کا سفر تیزی سے جاری رہے گا۔