آبنائے ہرمز: چین کی ایران کے مؤقف کی حمایت، خطے میں کشیدگی کم کرنے پر زور

آبنائے ہرمز کے معاملے پر چین نے ایران کے مؤقف کی حمایت کرتے ہوئے کہا ہے کہ خطے کے اہم آبی راستوں کو محفوظ اور بلا رکاوٹ رکھنا بین الاقوامی برادری کے مفاد میں ہے۔

چینی وزیرِ دفاع Dong Jun کے مطابق چین کے بحری جہاز Strait of Hormuz سے مسلسل گزرتے ہیں اور ایران کے ساتھ توانائی و تجارتی معاہدوں کا احترام کیا جائے گا۔ انہوں نے کہا کہ دیگر ممالک کو چین کے معاملات میں مداخلت سے گریز کرنا چاہیے۔

انہوں نے مزید کہا کہ چین عالمی امن اور استحکام کے لیے پرعزم ہے اور مشرقِ وسطیٰ کی صورتحال پر قریبی نظر رکھے ہوئے ہے۔

دوسری جانب چینی وزارتِ خارجہ کے ترجمان نے امریکا کی ممکنہ بحری ناکہ بندی کی دھمکیوں پر ردعمل دیتے ہوئے تمام فریقین سے تحمل اور ضبط کا مظاہرہ کرنے کی اپیل کی۔ ترجمان کے مطابق آبنائے ہرمز جیسے اہم آبی راستوں کی سلامتی عالمی توانائی اور تجارت کے لیے نہایت اہم ہے، اور چین اس حوالے سے تعاون کے لیے تیار ہے۔