ایرانی فٹبال ٹیم کو ورلڈ کپ 2026 سے قبل میکسیکو کے ویزے جاری

اسلام آباد(پاکستانی نیوزڈیسک)

Iran national football team کے کھلاڑیوں اور ٹیم آفیشلز کو میکسیکو کے ویزے جاری کر دیے گئے ہیں، جس کے بعد FIFA World Cup 2026 کی تیاریوں میں حائل ایک اہم انتظامی رکاوٹ دور ہو گئی ہے۔

ایرانی میڈیا رپورٹس کے مطابق میکسیکو کے سفارت خانے نے انقرہ میں موجود ایرانی کھلاڑیوں اور ٹیم حکام کو ویزے جاری کیے۔ ایرانی اسکواڈ اس وقت ترکیے میں تربیتی کیمپ میں مصروف ہے۔

رپورٹس کے مطابق ورلڈ کپ کے دوران میکسیکو ایرانی ٹیم کا بیس کیمپ ہوگا، جبکہ گروپ مرحلے کے تینوں میچز امریکا میں کھیلے جائیں گے۔ ایرانی ٹیم 6 جون کو ترکیے سے میکسیکو روانہ ہوگی تاکہ عالمی ایونٹ کے لیے اپنی تیاریاں مکمل کر سکے۔

واضح رہے کہ ویزوں کا معاملہ ایران کے لیے ایک اہم مسئلہ بن گیا تھا، تاہم ویزوں کے اجرا کے بعد اس حوالے سے غیر یقینی صورتحال ختم ہو گئی ہے۔

FIFA World Cup 2026 کا انعقاد 11 جون سے 19 جولائی تک امریکا، کینیڈا اور میکسیکو میں مشترکہ طور پر کیا جائے گا۔