مذاکرات میں پیش رفت ہے مگر اب بھی کافی فاصلہ ہے، قالیباف

اسلام آباد(پاکستانی نیوزڈیسک)ایرانی پارلیمنٹ کے اسپیکر اور وفد کے سربراہ Mohammad Bagher Ghalibaf نے کہا ہے کہ امریکا کے ساتھ جاری مذاکرات میں کچھ پیش رفت ضرور ہوئی ہے، تاہم دونوں فریقین کے درمیان اب بھی نمایاں اختلافات موجود ہیں۔

اپنے بیان میں انہوں نے امریکا کی جانب سے ناکہ بندی کے اعلان کو “بھونڈا اور جاہلانہ فیصلہ” قرار دیتے ہوئے کہا کہ دیگر ممالک کو Strait of Hormuz سے گزرنے کی اجازت ہو اور ایران کو نہیں، یہ کسی صورت قابل قبول نہیں۔

انہوں نے امریکا کو سخت وارننگ دیتے ہوئے کہا کہ امریکی مائن سویپر اپنی موجودہ پوزیشن سے ایک انچ بھی آگے نہ بڑھیں، بصورت دیگر ایران یقینی طور پر فائرنگ کرے گا۔ ان کے مطابق یہ مؤقف امریکی وفد کو واضح طور پر آگاہ کر دیا گیا ہے۔

باقر قالیباف کا مزید کہنا تھا کہ حالیہ کشیدگی کے دوران دشمن کے 170 سے 180 ڈرونز مار گرائے گئے جبکہ امریکا کا جدید F-35 Lightning II لڑاکا طیارہ بھی نشانہ بنایا گیا، جو ان کے بقول معمولی بات نہیں۔

انہوں نے کہا کہ ایران اپنی جنگی ٹیکنالوجی کی تفصیلات ظاہر نہیں کرنا چاہتا، تاہم دشمن صورتحال کو بخوبی سمجھ چکا ہوگا۔