جنگ کسی کے مفاد میں نہیں، کشیدگی کم کرنے کے لیے سفارتی راستے ضروری: مسعود پزشکیان

اسلام آباد(پاکستانی نیوزڈیسک)ایران کے صدر مسعود پزشکیان نے کہا ہے کہ جنگ کسی کے مفاد میں نہیں اور خطے میں کشیدگی کم کرنے کے لیے تمام عقلی اور سفارتی ذرائع بروئے کار لانے چاہئیں۔

اپنے بیان میں انہوں نے زور دیا کہ اگرچہ دشمن پر عدم اعتماد ایک حقیقت ہے، تاہم باہمی روابط میں احتیاط برتنا ناگزیر ہے۔

دوسری جانب ایرانی پارلیمنٹ کی قومی سلامتی کمیٹی کے سربراہ ابراہیم عزیزی نے موجودہ مذاکرات کو “میدانِ جنگ کا تسلسل” قرار دیا ہے۔ قطری ٹی وی سے گفتگو کرتے ہوئے انہوں نے کہا کہ ایران نے United States کے ساتھ مذاکرات جاری رکھنے کا فیصلہ کیا ہے، تاہم اس کا یہ مطلب نہیں کہ کسی بھی قیمت پر بات چیت کی جائے۔

انہوں نے واضح کیا کہ مذاکرات میں دوسرے فریق کی ہر شرط یا طریقہ کار قبول نہیں کیا جائے گا اور ایران نے اپنی واضح ریڈ لائنز مقرر کر رکھی ہیں۔ ان کے مطابق ایران کی مذاکراتی حکمت عملی مکمل طور پر قومی مفادات اور سیکیورٹی تقاضوں کے تحت طے کی جاتی ہے۔