ٹرمپ کی مقبولیت میں بڑی کمی، معاشی پالیسیوں پر 70 فیصد امریکی ناخوش

اسلام آباد(پاکستانی نیوزڈیسک) امریکی صدر Donald Trump کی مقبولیت اور ان کی معاشی کارکردگی پر عوامی اعتماد میں نمایاں کمی سامنے آئی ہے۔

ایسوسی ایٹڈ پریس کی تازہ رائے شماری کے مطابق 70 فیصد امریکی شہری صدر ٹرمپ کی معاشی پالیسیوں سے غیر مطمئن ہیں جبکہ ان کی مجموعی مقبولیت صرف 33 فیصد رہ گئی ہے۔

سیاسی مبصرین کا کہنا ہے کہ اس کمی کی ایک بڑی وجہ انتظامیہ کی توجہ داخلی معاشی اور سماجی مسائل کے بجائے دیگر پالیسی معاملات پر مرکوز ہونا ہے، جس سے عوامی اعتماد متاثر ہوا ہے۔

تجزیہ کاروں کے مطابق اگرچہ صدر ٹرمپ نے انتخابی مہم کے دوران معیشت کی بہتری اور اندرونی مسائل کے حل کو اپنی اولین ترجیح قرار دیا تھا، تاہم موجودہ صورتحال میں عوامی توقعات اور حکومتی کارکردگی کے درمیان واضح فرق نظر آ رہا ہے۔

ماہرین نے خبردار کیا ہے کہ آئندہ وسط مدتی انتخابات میں ریپبلکن پارٹی کو سخت چیلنجز کا سامنا کرنا پڑ سکتا ہے۔ ان کے مطابق اگر قیادت نے جلد ٹھوس معاشی نتائج نہ دکھائے تو سینیٹ اور ایوانِ نمائندگان میں پارٹی کو سیاسی نقصان ہو سکتا ہے