ملک کے بالائی علاقوں میں گرج چمک کے ساتھ بارش کی پیشگوئی، اسلام آباد میں موسم گرم اور خشک رہنے کا امکان
ملک بھر میں گرمی کی شدت میں اضافہ، مختلف علاقوں میں بارشوں کی پیشگوئی راولپنڈی/اسلام آباد: جڑواں شہروں میں اچانک موسم نے کروٹ لے لی، آسمان پر کالی گھٹائیں چھا گئیں اور مختلف علاقوں میں ہلکی بارش شروع ہوگئی۔ بارش کے ساتھ ٹھنڈی ہوائیں چلنے سے گرمی کی شدت میں نمایاں کمی آگئی اور موسم خوشگوار ہوگیا۔ شہریوں نے خوشگوار موسم کا بھرپور لطف اٹھایا جبکہ مختلف علاقوں میں معمول کے مطابق آمدورفت کا سلسلہ جاری رہا۔ محکمہ موسمیات کے مطابق بارش کا سلسلہ وقفے وقفے سے جاری رہنے کا امکان ہے۔ ضلعی انتظامیہ کے مطابق نالہ لئی سمیت نشیبی علاقوں کی صورتحال پر کڑی نظر رکھی جا رہی ہے۔ انتظامیہ کا کہنا ہے کہ کسی بھی ہنگامی صورتحال سے نمٹنے کے لیے متعلقہ ادارے الرٹ ہیں اور بارش کے دوران نکاسیٔ آب کے نظام کی مسلسل نگرانی کی جا رہی ہے۔
اسلام آباد(پاکستانی نیوزڈیسک)
محکمہ موسمیات کے مطابق ملک کے مختلف بالائی علاقوں میں آئندہ دنوں کے دوران گرج چمک کے ساتھ بارش ہونے کا امکان ہے، جبکہ زیادہ تر میدانی علاقے گرم اور خشک موسم کی لپیٹ میں رہیں گے۔
رپورٹ کے مطابق خیبرپختونخوا کے اضلاع دیر، چترال، سوات، کوہستان اور مالاکنڈ میں گرج چمک کے ساتھ بارش متوقع ہے۔ اسی طرح باجوڑ، شانگلہ، بٹگرام، بونیر، مانسہرہ اور ایبٹ آباد کے مختلف علاقوں میں بھی بارش کا امکان ظاہر کیا گیا ہے۔
محکمہ موسمیات نے کہا ہے کہ سوات، چترال اور دیر کے چند مقامات پر جبکہ چارسدہ اور مردان سمیت دیگر میدانی علاقوں میں تیز ہواؤں کے ساتھ بارش ہو سکتی ہے۔ ہری پور، وزیرستان اور کرم کے بعض علاقوں میں بھی بارش کی پیشگوئی کی گئی ہے، جس سے موسم خوشگوار ہونے کا امکان ہے۔
دوسری جانب وفاقی دارالحکومت Islamabad میں موسم گرم اور خشک رہنے کی توقع ہے، جبکہ ملک کے دیگر میدانی علاقوں میں گرمی کی شدت برقرار رہنے کا امکان ظاہر کیا گیا ہے۔
