وفاقی بجٹ 2026-27 مزید تاخیر کا شکار، اب 12 جون کو پیش کیے جانے کا امکان

اسلام آباد(پاکستانی نیوزڈیسک)
ذرائع کے مطابق آئندہ مالی سال 2026-27 کا وفاقی بجٹ مقررہ تاریخ 10 جون کے بجائے اب 12 جون کو پیش کیے جانے کا امکان ہے۔ بجٹ کی تیاری اور منظوری کے عمل میں تاخیر کے باعث شیڈول میں تبدیلی زیر غور ہے۔

حکومتی ذرائع کا کہنا ہے کہ قومی اقتصادی کونسل کا اجلاس، جس کی صدارت شہباز شریف نے کرنا تھی، ملتوی کر دیا گیا ہے۔ اجلاس میں آئندہ مالی سال کے ترقیاتی بجٹ اور معاشی اہداف کی منظوری دی جانی تھی۔

ذرائع کے مطابق نئے مالی سال کے لیے مجوزہ ترقیاتی بجٹ کا مجموعی حجم 4,715 ارب روپے رکھا گیا ہے، جس میں:

وفاقی پبلک سیکٹر ڈویلپمنٹ پروگرام کے لیے 1,126 ارب روپے
صوبائی ترقیاتی منصوبوں کے لیے 3,138 ارب روپے
ریاستی ملکیتی اداروں کی ترقیاتی اسکیموں کے لیے 451 ارب روپے
تجویز کیے گئے ہیں۔

مزید یہ کہ پی ایس ڈی پی میں 200 ارب روپے اضافے کی تجویز بھی زیر غور ہے۔ اگر وزیراعظم منظوری دیتے ہیں تو وفاقی ترقیاتی پروگرام کا حجم بڑھ کر 1,326 ارب روپے تک پہنچ سکتا ہے۔

اہم نکتہ:
قومی اقتصادی کونسل کے اجلاس میں ترقیاتی منصوبوں، سالانہ ترقیاتی پروگرام، اور معاشی ترقی کی شرح کے اہداف کا جائزہ لیا جانا تھا۔ اجلاس کی نئی تاریخ اور بجٹ پیش کرنے کے حتمی شیڈول کا اعلان متوقع