انگلینڈ نے بھارت کو شکست دے کر پہلی بار ٹی ٹوئنٹی سیریز اپنے نام کر لی

اسلام آباد(پاکستانی نیوزڈیسک)

انگلینڈ نے بھارت کے خلاف ٹی ٹوئنٹی کرکٹ کی تاریخ میں پہلی مرتبہ سیریز اپنے نام کر لی۔ برسٹل میں کھیلے گئے چوتھے ٹی ٹوئنٹی میں میزبان ٹیم نے 159 رنز کا ہدف صرف 13.5 اوورز میں ایک وکٹ کے نقصان پر حاصل کرتے ہوئے پانچ میچوں کی سیریز میں 0-3 کی ناقابلِ شکست برتری حاصل کر لی۔

ہدف کے تعاقب میں انگلینڈ کے کپتان ہیری بروک نے 35 گیندوں پر ناقابلِ شکست 79 رنز جبکہ فل سالٹ نے 42 گیندوں پر 59 رنز کی عمدہ اننگز کھیلی۔ دونوں نے دوسری وکٹ کے لیے 144 رنز کی ناقابلِ شکست شراکت قائم کر کے ٹیم کو شاندار فتح دلائی۔

اس سے قبل بھارت کی جانب سے کپتان شریاس ائیر نے 49 گیندوں پر ناقابلِ شکست 80 رنز کی مزاحمتی اننگز کھیلی، تاہم دیگر بیٹرز خاطر خواہ ساتھ نہ دے سکے۔ شیوام دوبے 22 رنز کے ساتھ دوسرے نمایاں بلے باز رہے۔

انگلینڈ کی جانب سے جوفرا آرچر اور جوش ٹنگ نے دو، دو جبکہ ول جیکس اور عادل رشید نے ایک، ایک وکٹ حاصل کی۔

یہ بھارت کی مکمل ہونے والے ٹی ٹوئنٹی میچز میں مسلسل پانچویں شکست ہے، جس کے بعد نئی قیادت پر سوالات اٹھنے لگے ہیں۔ واضح رہے کہ سیریز کا پہلا میچ بارش کے باعث بے نتیجہ رہا تھا، جبکہ سیریز کا آخری میچ ہفتے کو ساؤتھیمپٹن میں کھیلا جائے گا۔