قومی شاہراہوں اور موٹرویز پر ٹول ٹیکس میں اضافہ، نئی شرحیں جاری
قومی شاہراہوں اور موٹرویز پر ٹول ٹیکس میں اضافہ، نئی شرحیں جاری
National Highway Authority (این ایچ اے) نے ملک بھر کی قومی شاہراہوں اور موٹرویز پر ٹول ٹیکس میں اضافہ کرتے ہوئے نئی شرحوں کا نوٹیفکیشن جاری کر دیا ہے۔
نوٹیفکیشن کے مطابق قومی ہائی ویز پر کار کے لیے ٹول ٹیکس 100 روپے، ویگن کے لیے 200 روپے جبکہ بس کے لیے 300 روپے مقرر کیا گیا ہے۔ اسی طرح دو اور تین ایکسل ٹرک کے لیے 350 روپے جبکہ بڑے ٹرکوں کے لیے 700 روپے ٹول ٹیکس مقرر کیا گیا ہے۔
موٹرویز پر بھی نمایاں اضافہ کیا گیا ہے۔ Islamabad–Peshawar Motorway پر کار سے 700 روپے، 12 سیٹر ویگن سے 1050 روپے جبکہ بس سے 2050 روپے وصول کیے جائیں گے۔ دو اور تین ایکسل ٹرک کے لیے 2650 روپے اور بڑے ٹرکوں کے لیے 3300 روپے ٹول ٹیکس مقرر کیا گیا ہے۔
Lahore–Abdul Hakeem Motorway (ایم 3) پر کار سے 1000 روپے، ویگن سے 1500 روپے جبکہ منی بس یا کوسٹر سے 2150 روپے وصول کیے جائیں گے۔
M-4 Motorway Pakistan (ایم 4) پر کار کے لیے 1300 روپے، ویگن کے لیے 1950 روپے اور منی بس کے لیے 2850 روپے ٹول ٹیکس مقرر کیا گیا ہے، جبکہ بس 3950 اور بڑے ٹرک 6400 روپے ادا کریں گے۔
اسی طرح M-5 Motorway Pakistan پر کار 1500 روپے، ویگن 2150، منی بس 3150 جبکہ بڑے ٹرک 7150 روپے تک ٹول ٹیکس ادا کریں گے۔
مزید برآں Hazara Motorway (ای-35) پر کار سے 350 روپے، ویگن سے 550 روپے، منی بس سے 750 روپے جبکہ بس سے 1100 روپے ٹول ٹیکس وصول کیا جائے گا۔
این ایچ اے کے مطابق نئی شرحوں کا اطلاق فوری طور پر کر دیا گیا ہے۔
