190 ملین پاؤنڈ کیس: عمران خان اور بشریٰ بی بی کی سزا معطلی درخواستوں پر آج پھر سماعت

190 ملین پاؤنڈ نیب کیس میں Imran Khan اور ان کی اہلیہ Bushra Bibi کی سزا معطلی کی درخواستوں پر آج ایک بار پھر سماعت ہوگی۔

سماعت Islamabad High Court میں چیف جسٹس Sarfraz Dogar کی سربراہی میں دو رکنی بینچ کرے گا، جو دوپہر 12 بجے کیس کی سماعت کرے گا۔

گزشتہ سماعت کے دوران National Accountability Bureau (نیب) نے مرکزی اپیل پر دلائل دینے پر آمادگی ظاہر کی تھی، جبکہ عدالت نے بانی پی ٹی آئی کے وکیل کو اپنے مؤکل سے مشاورت کی ہدایت کی تھی۔

ادھر وکیل سلمان صفدر نے Bushra Bibi کی سزا معطلی کی درخواست کو پہلے سماعت کرنے کے لیے متفرق درخواست بھی دائر کر رکھی ہے۔

یاد رہے کہ اسلام آباد کی احتساب عدالت نے اس کیس میں Imran Khan کو 14 سال قید اور 10 لاکھ روپے جرمانہ جبکہ Bushra Bibi کو 7 سال قید اور 5 لاکھ روپے جرمانے کی سزا سنائی تھی۔

یہ فیصلہ احتساب عدالت کے جج Nasir Javed Rana نے 18 دسمبر 2024 کو محفوظ کیا تھا، جو تین مرتبہ مؤخر کیے جانے کے بعد 17 جنوری 2025 کو اڈیالہ جیل میں سنایا گیا۔