پاکستان اسٹاک ایکسچینج میں ملا جلا رجحان، 100 انڈیکس میں 364 پوائنٹس کمی

اسلام آباد(پاکستانی نیوزڈیسک)پاکستان اسٹاک ایکسچینج میں کاروباری ہفتے کے پہلے روز ملا جلا رجحان دیکھنے میں آ رہا ہے، جہاں ابتدائی ٹریڈنگ کے دوران مارکیٹ دباؤ کا شکار رہی۔

کاروبار کے دوران 100 انڈیکس میں 364 پوائنٹس کی کمی ریکارڈ کی گئی، جس کے بعد انڈیکس 1 لاکھ 73 ہزار 574 پوائنٹس کی سطح پر آ گیا۔

دن بھر کے اب تک کے کاروبار میں انڈیکس 1 لاکھ 70 ہزار 625 پوائنٹس کی کم ترین سطح تک بھی گیا، جبکہ 1 لاکھ 73 ہزار 587 پوائنٹس کی بلند ترین سطح بھی ریکارڈ کی گئی۔

یاد رہے کہ گزشتہ ہفتے کے آخری کاروباری روز انڈیکس 1 لاکھ 73 ہزار 939 پوائنٹس پر بند ہوا تھا، جس کے مقابلے میں آج مارکیٹ میں اتار چڑھاؤ کا رجحان دیکھا جا رہا ہے۔