سعودی عرب کی حج کے لیے نئی عمر پابندی، 15 سال سے کم عمر عازمین پر سفر ممنوع

اسلام آباد(پاکستانی نیوزڈیسک)Saudi Arabia نے حج کے لیے نئی عمر کی پابندی نافذ کر دی ہے جس کے تحت 15 سال سے کم عمر عازمین کو حج کی اجازت نہیں ہوگی۔

Pakistan Airports Authority (پی اے اے) کے مطابق اس فیصلے پر فوری عملدرآمد شروع کر دیا گیا ہے اور 15 سال سے کم عمر عازمین کے حج ویزے منسوخ کر دیے گئے ہیں۔

حکام کا کہنا ہے کہ 3 مئی سے اس پابندی کے باعث Karachi سے تعلق رکھنے والے کم از کم 70 عازمین حج متاثر ہوں گے۔ مزید برآں، 3 سال سے کم عمر بچوں کے حج ویزے بھی منسوخ قرار دے دیے گئے ہیں۔

اعلامیے کے مطابق مئی 2026 سے حج پروازوں میں 15 سال سے کم عمر افراد کو سفر کی اجازت نہیں ہوگی، جبکہ ایئرپورٹس پر عملے کو ہدایت جاری کی گئی ہے کہ کم عمر عازمین کو پروازوں میں سوار ہونے سے روکا جائے۔

متاثرہ عازمین کو مکمل رقم کی واپسی کی یقین دہانی بھی کرائی گئی ہے، جبکہ حج سے متعلق عمر کی اس نئی پابندی پر سختی سے عملدرآمد کا حکم دے دیا گیا ہے۔