ایران کی 45 دن کی جنگ بندی کی کوششیں، ٹرمپ کی ڈیڈ لائن میں توسیع، خطے میں کشیدگی برقرار

Iran سے تعلق رکھنے والے ثالثوں نے جاری کشیدگی کے خاتمے کے لیے 45 دن کی جنگ بندی کی کوششیں تیز کر دی ہیں۔ ایک امریکی ویب سائٹ نے ذرائع کے حوالے سے دعویٰ کیا ہے کہ United States، ایران اور علاقائی ثالثوں پر مشتمل ایک گروپ ممکنہ جنگ بندی کی شرائط پر بات چیت کر رہا ہے، جو مستقل امن کی راہ ہموار کر سکتی ہے۔

ذرائع کے مطابق آئندہ 48 گھنٹوں میں کسی جزوی معاہدے تک پہنچنے کے امکانات کم ہیں، تاہم اسے جنگ میں مزید شدت کو روکنے کا آخری موقع قرار دیا جا رہا ہے۔

دوسری جانب Donald Trump نے ایران کو سخت دھمکیاں دیتے ہوئے کہا ہے کہ اگر Strait of Hormuz نہ کھولی گئی تو امریکہ ایران کے پاور پلانٹس اور پلوں کو نشانہ بنا سکتا ہے۔

امریکی صدر نے اپنی سابقہ ڈیڈ لائن میں مزید 24 گھنٹے کی توسیع کرتے ہوئے خبردار کیا کہ ایران پر "قیامت ٹوٹ پڑے گی” اور اس کی صورتحال کو "جہنم” بنا دیا جائے گا۔

Donald Trump نے معاہدے کے لیے نئی ڈیڈ لائن منگل رات 8 بجے (ایسٹرن ٹائم) مقرر کی ہے، جو ایران میں بدھ کی صبح 3:30 بجے اور پاکستان میں صبح 5 بجے بنتی ہے۔