ٹرمپ کا ایران کو اسلحہ فراہم کرنے والے ممالک پر 50 فیصد ٹیرف عائد کرنے کا اعلان

امریکا کے صدر Donald Trump نے جنگ بندی کے بعد اہم اعلان کرتے ہوئے کہا ہے کہ ایران کو فوجی اسلحہ فراہم کرنے والے کسی بھی ملک پر 50 فیصد ٹیرف عائد کیا جائے گا۔

سماجی رابطے کی ویب سائٹ X پر جاری اپنے بیان میں امریکی صدر نے کہا کہ جو بھی ملک ایران کو اسلحہ فراہم کرے گا، اس کی امریکا کو برآمد کی جانے والی تمام اشیا پر فوری طور پر 50 فیصد ٹیرف لاگو ہو جائے گا، جس میں کسی قسم کی رعایت یا استثنیٰ شامل نہیں ہوگا۔

Donald Trump نے مزید کہا کہ یہ اقدام فوری طور پر نافذ العمل ہوگا اور اس کا مقصد ایران کو فوجی معاونت فراہم کرنے والے ممالک کو واضح پیغام دینا ہے۔

دوسری جانب امریکا نے ایران کے ساتھ جاری کشیدگی کے تناظر میں دو ہفتوں کے لیے جنگ بندی کا اعلان بھی کیا ہے، جس کے دوران مذاکرات کیے جائیں گے۔

امریکی صدر کے مطابق یہ جنگ بندی کا فیصلہ پاکستان کی ثالثی کے بعد کیا گیا، جس میں Shehbaz Sharif اور Asim Munir کے ساتھ ہونے والی بات چیت شامل ہے۔

حکام کا کہنا ہے کہ آئندہ دو ہفتوں کے دوران مذاکرات کے ذریعے صورتحال کو مزید بہتر بنانے کی کوشش کی جائے گی۔