آئی پی ایل میچ میں “کالے جادو” کے الزام کی ویڈیو وائرل، سوشل میڈیا پر بحث چھڑ گئی

اسلام آباد(پاکستانی نیوزڈیسک)رواں سیزن میں انڈین پریمیئر لیگ کے ایک میچ کے دوران مبینہ طور پر ایک تماشائی کی عجیب حرکت کی ویڈیو سوشل میڈیا پر وائرل ہو گئی ہے، جس پر شدید بحث جاری ہے۔

یہ واقعہ سن رائزرز حیدرآباد اور چنئی سپر کنگز کے درمیان میچ کے دوران پیش آیا، جہاں ایک شائق کو لیموں کے ساتھ غیر معمولی عمل کرتے ہوئے دیکھا گیا۔ بعض سوشل میڈیا صارفین نے اس عمل کو “کالے جادو” سے جوڑ دیا ہے، تاہم اس کی کوئی باضابطہ تصدیق نہیں ہو سکی۔

اسی میچ میں جب یہ واقعہ ہوا، کچھ دیر بعد سن رائزرز کے بیٹر شیوم ڈوبے آؤٹ ہو گئے، جس پر اسٹیڈیم میں جشن جیسا ماحول دیکھا گیا۔

اس معاملے پر سابق آئی پی ایل چیئرمین للت مودی نے بھی ردعمل دیتے ہوئے کہا کہ ایسے مبینہ واقعات پہلے بھی سامنے آ چکے ہیں، اور 2011 کے سیزن میں بھی ایک ٹیم کے مالک پر اسی نوعیت کے الزامات لگائے گئے تھے۔