ٹرمپ کا دورۂ چین: ایران جنگ، تجارت اور تائیوان پر شی جن پنگ سے اہم مذاکرات متوقع

اسلام آباد(پاکستانی نیوزڈیسک)امریکی صدر Donald Trump رواں ہفتے بدھ کی شام چین پہنچیں گے جہاں وہ چینی صدر Xi Jinping سے ایران جنگ، عالمی تجارت، تائیوان اور بین الاقوامی سیکیورٹی سمیت اہم معاملات پر بات چیت کریں گے۔

وائٹ ہاؤس کے مطابق دونوں رہنماؤں کے درمیان باضابطہ ملاقات جمعرات کو ہوگی جبکہ صدر ٹرمپ کا دورہ جمعے کو اختتام پذیر ہوگا۔ امریکا نے رواں سال کے آخر میں شی جن پنگ کو جوابی دورے کی دعوت بھی دے دی ہے۔

امریکی حکام کے مطابق صدر ٹرمپ چین پر ایران سے تیل خریدنے اور تہران کو ضروری اشیاء فراہم کرنے کے معاملے پر دباؤ ڈال سکتے ہیں۔ امریکی وزیرِ خزانہ Scott Bessent کا کہنا ہے کہ چین ایران کی معیشت کو سہارا دے رہا ہے۔

واضح رہے کہ ایران نے امریکا اور اسرائیل کے حملوں کے ردعمل میں آبنائے ہرمز بند کردی تھی، جس کے باعث عالمی توانائی ترسیل متاثر ہوئی اور ایشیائی معیشتوں پر دباؤ بڑھا۔

چین نے ایران جنگ کے خاتمے کی خواہش ظاہر کی ہے اور گزشتہ ہفتے ایرانی وزیرِ خارجہ Abbas Araghchi کی میزبانی بھی کی تھی۔ تاہم بیجنگ نے ایران کے تیل پر امریکی پابندیوں کو یک طرفہ قرار دیتے ہوئے انہیں تسلیم کرنے سے انکار کردیا ہے۔

عرب میڈیا کے مطابق امریکا اور چین کے درمیان ہونے والی بات چیت میں روس کے لیے چین کی حمایت، نایاب معدنیات، تجارت اور تائیوان کا معاملہ بھی زیرِ بحث آنے کا امکان ہے۔ امریکی حکام نے واضح کیا ہے کہ تائیوان کے حوالے سے واشنگٹن کی پالیسی میں کسی بڑی تبدیلی کی توقع نہیں۔