بجلی 1 روپے

اسلام آباد(پاکستانی نیوزڈیسک)

ملک بھر کے بجلی صارفین کے لیے بڑا ریلیف دیتے ہوئے بجلی کی قیمت میں 1 روپے 99 پیسے فی یونٹ کمی کر دی گئی ہے۔

نوٹیفکیشن کے مطابق یہ کمی سہ ماہی ایڈجسٹمنٹ کی مد میں کی گئی ہے، جو جنوری تا مارچ 2026ء کے اعداد و شمار کی بنیاد پر منظور کی گئی۔

فیصلے کے تحت بجلی کی نئی قیمتوں کا اطلاق جون سے اگست 2026ء تک تین ماہ کے لیے ہوگا۔ حکام کے مطابق یہ ریلیف National Electric Power Regulatory Authority کی منظوری سے دیا گیا ہے۔

نوٹیفکیشن میں کہا گیا ہے کہ یہ سہ ماہی ایڈجسٹمنٹ K-Electric کے صارفین پر بھی لاگو ہوگی۔

اس فیصلے کے نتیجے میں ملک بھر کے صارفین کو مجموعی طور پر 67 ارب 17 کروڑ 30 لاکھ روپے کا ریلیف ملنے کا امکان ہے، جس سے گھریلو اور صنعتی صارفین دونوں کو بجلی کے بلوں میں کمی کا فائدہ پہنچے گا۔