امریکا کا خاص تعلق اسرائیل سے ہے، برطانوی سفیر کا دعویٰ

اسلام آباد(پاکستانی نیوزڈیسک)واشنگٹن: امریکا میں برطانیہ کے سفیر Christian Turner نے کہا ہے کہ امریکا کا روایتی "خاص تعلق” برطانیہ کے بجائے اب اسرائیل کے ساتھ ہے۔

برطانوی اخبار Financial Times کی رپورٹ کے مطابق لیک ہونے والی ایک آڈیو میں سفیر نے کہا کہ امریکا اور برطانیہ کے درمیان قریبی تعلقات اب بھی موجود ہیں، خصوصاً دفاع اور معیشت کے شعبوں میں، تاہم عالمی حالات تیزی سے تبدیل ہو رہے ہیں۔

سر کرسچن ٹرنر کے مطابق دونوں ممالک کے درمیان تعاون جاری رہے گا، لیکن یہ تعلق اب ماضی جیسا نہیں رہا بلکہ بدلتی عالمی صورتحال کے مطابق نئی شکل اختیار کر رہا ہے۔ انہوں نے مزید کہا کہ یورپ اب مکمل طور پر امریکا کے سکیورٹی نظام پر انحصار نہیں کر سکتا۔

سفیر نے دعویٰ کیا کہ موجودہ وقت میں امریکا کا "خاص تعلق” صرف ایک ملک کے ساتھ ہے اور وہ اسرائیل ہے، جبکہ مغربی اتحادیوں کو اپنے تعلقات اور ذمہ داریوں کا ازسرنو جائزہ لینے کی ضرورت ہے۔

دوسری جانب برطانوی دفتر خارجہ نے اس بیان سے لاتعلقی کا اظہار کرتے ہوئے کہا ہے کہ یہ سفیر کی ذاتی رائے ہے اور حکومت کی سرکاری پالیسی کی نمائندگی نہیں کرتی