ایرانی اسپیکر کی تنقید: امریکی ناکہ بندی سے تیل 140 ڈالر تک جا سکتا ہے

اسلام آباد(پاکستانی نیوزڈیسک)محمد باقر قالیباف نے کہا ہے کہ ڈونلڈ ٹرمپ کی انتظامیہ کو اسکاٹ بیسنٹ غلط اور غیر حقیقی مشورے دے رہے ہیں، اور ممکنہ ناکہ بندی کے نتیجے میں عالمی منڈی میں تیل کی قیمت 140 ڈالر فی بیرل تک پہنچ سکتی ہے۔

ایرانی اسپیکر کا کہنا تھا کہ اصل مسئلہ کسی نظریے کا نہیں بلکہ فیصلہ سازی کی ذہنیت کا ہے، جہاں غیر حقیقت پسندانہ مشورے پالیسی کا حصہ بن رہے ہیں۔ انہوں نے زور دیا کہ امریکی ناکہ بندی سے ایران کے تیل کے کنوؤں پر کوئی اثر نہیں پڑے گا۔

ایران کے اسپیکر نے مزید کہا کہ گزشتہ تین دنوں میں کوئی تیل کا کنواں خشک نہیں ہوا اور آئندہ 30 دنوں تک بھی پیداوار معمول کے مطابق جاری رہے گی۔

انہوں نے خبردار کیا کہ بعض عناصر ناکہ بندی کے نظریے کو فروغ دے رہے ہیں، جس کے نتیجے میں عالمی سطح پر تیل کی قیمتوں میں مزید اضافہ دیکھنے میں آ سکتا ہے۔