ٹرمپ کا مؤقف: طیارے گرنے کے باوجود ایران سے مذاکرات جاری رہیں گے

امریکی صدر ڈونلڈ ٹرمپ نے کہا ہے کہ حالیہ فضائی جھڑپوں اور طیارے گرنے کے واقعات کے باوجود ایران کے ساتھ جاری مذاکرات پر کوئی اثر نہیں پڑے گا۔

صدر ٹرمپ کا کہنا تھا کہ “یہ جنگ کی صورتحال ہے اور ہم حالت جنگ میں ہیں”، تاہم انہوں نے لاپتہ عملے کے رکن کے حوالے سے کسی حتمی ردعمل کا عندیہ دینے سے گریز کیا۔

دوسری جانب ایران کے لیے یہ دن امریکی افواج کے لیے سخت ثابت ہوا، جہاں مختلف کارروائیوں میں تین طیارے مار گرائے جانے اور دو ہیلی کاپٹروں پر فائرنگ کیے جانے کی اطلاعات ہیں۔

پاسداران انقلاب نے دعویٰ کیا ہے کہ امریکی ایف-35 طیارہ وسطی ایران میں مار گرایا گیا، جبکہ پائلٹ کی گرفتاری سے متعلق متضاد اطلاعات سامنے آ رہی ہیں۔

مزید برآں ایران نے آبنائے ہرمز کے قریب امریکی اے-10 طیارہ مار گرانے کا بھی دعویٰ کیا، تاہم اس کا پائلٹ محفوظ نکلنے میں کامیاب رہا۔ ایک اور واقعے میں ایف-15 طیارے کو نشانہ بنایا گیا، جس کے بعد ریسکیو کے لیے آنے والے دو ہیلی کاپٹروں پر بھی حملہ کیا گیا، جس سے عملہ زخمی ہوا، تاہم ہیلی کاپٹر محفوظ لینڈ کرنے میں کامیاب رہے۔

خطے میں بڑھتی ہوئی کشیدگی کے باوجود امریکا نے سفارتی عمل جاری رکھنے کا عندیہ دیا ہے۔