گورا رنگ کرنے والی کریمز خطرناک ثابت ہو سکتی ہیں، ماہرین کا سخت انتباہ

ماہرینِ صحت نے خبردار کیا ہے کہ رنگ گورا کرنے والی کریمز کا استعمال احتیاط سے کرنا انتہائی ضروری ہے، کیونکہ ان میں شامل بعض کیمیکلز جلد اور مجموعی صحت کے لیے خطرناک ثابت ہو سکتے ہیں۔

ماہرین کے مطابق کئی سستی یا غیر معیاری کریمز میں Hydroquinone شامل ہوتا ہے، جس کا زیادہ استعمال جلد کو پتلا اور حساس بنا دیتا ہے۔ اسی طرح اسٹرائیڈز وقتی طور پر گورا پن دیتے ہیں، مگر طویل مدت میں جلد کو شدید نقصان پہنچاتے ہیں۔

مزید برآں بعض کریمز میں Mercury بھی پایا جاتا ہے، جو نہایت خطرناک ہے اور گردوں، اعصاب اور مجموعی صحت پر منفی اثرات ڈال سکتا ہے۔

ڈاکٹرز کے مطابق ان کریمز کے مسلسل استعمال سے:

• جلد پر جلن، خارش اور دانے
• مستقل داغ یا رنگت کا بگڑ جانا
• جلد کا پتلا اور کمزور ہو جانا
• سورج کی روشنی سے غیر معمولی حساسیت

جیسے مسائل پیدا ہو سکتے ہیں۔

ماہرین نے یہ بھی خبردار کیا ہے کہ غیر محفوظ کیمیکلز کے استعمال سے Skin Cancer کا خطرہ بھی بڑھ سکتا ہے۔

انہوں نے عوام کو مشورہ دیا ہے کہ کسی بھی اسکن پروڈکٹ کے استعمال سے پہلے مستند ڈاکٹر سے مشورہ کریں اور غیر معیاری یا غیر رجسٹرڈ کریمز سے گریز کریں۔