ریو پارٹی ویڈیو وائرل، مفتی عبدالقوی ایک بار پھر تنازع کا شکار

اسلام آباد(پاکستانی نیوزڈیسک)معروف اور متنازع مذہبی اسکالر و ٹی وی شخصیت مفتی عبدالقوی ایک بار پھر خبروں کی زینت بن گئے ہیں، سوشل میڈیا پر ان کی ایک مبینہ ویڈیو وائرل ہو رہی ہے۔

وائرل ویڈیو میں انہیں ایک ریو میوزک پارٹی میں دیکھا جا سکتا ہے، جہاں تیز موسیقی، ڈی جے اور رقص جاری ہے۔ ویڈیو میں مفتی عبدالقوی روایتی لباس میں ایک نائٹ کلب میں موجود دکھائی دیتے ہیں جبکہ اردگرد لوگ موسیقی پر محوِ رقص ہیں۔

یہ پہلا موقع نہیں کہ وہ کسی تنازع کا حصہ بنے ہوں۔ اس سے قبل بھی ان کا نام مختلف اسکینڈلز میں سامنے آ چکا ہے، جن میں قندیل بلوچ اور حریم شاہ کے ساتھ تنازعات شامل ہیں۔

ویڈیو کے وائرل ہونے کے بعد سوشل میڈیا پر ملا جلا ردعمل سامنے آ رہا ہے۔ کچھ صارفین طنزیہ تبصرے کر رہے ہیں جبکہ دیگر نے اس عمل پر تنقید کی ہے۔

سوشل میڈیا انفلوینسر آفاق خان نے تبصرہ کرتے ہوئے کہا کہ مفتی عبدالقوی ایک ایسا مسئلہ بن گئے ہیں جو حل نہیں ہو پا رہا اور انہیں ماضی میں ہی بے نقاب کیا جا چکا ہے۔

تاحال مفتی عبدالقوی کی جانب سے اس ویڈیو یا مبینہ پارٹی میں شرکت کے حوالے سے کوئی باضابطہ مؤقف سامنے نہیں آیا۔