پاکستان اسٹاک ایکسچینج میں تیزی، 100 انڈیکس میں 657 پوائنٹس کا اضافہ

اسلام آباد(پاکستانی نیوزڈیسک)Pakistan Stock Exchange میں آج کاروباری دن کے آغاز پر مثبت رجحان دیکھنے میں آیا، جہاں سرمایہ کاروں کی جانب سے خریداری کے باعث مارکیٹ میں تیزی ریکارڈ کی گئی۔

کاروبار کے دوران 100 انڈیکس 657 پوائنٹس اضافے کے بعد 1 لاکھ 72 ہزار 362 پوائنٹس کی سطح پر پہنچ گیا۔ اہم شیئرز کی قیمتوں میں اضافے کے باعث مارکیٹ کا مجموعی ماحول مثبت رہا۔

دوسری جانب انٹربینک مارکیٹ میں امریکی ڈالر کی قدر میں معمولی کمی دیکھی گئی۔ کاروبار کے دوران ڈالر ایک پیسہ سستا ہو کر 278 روپے 71 پیسے پر آ گیا، جبکہ گزشتہ روز ڈالر 278 روپے 72 پیسے پر بند ہوا تھا۔