ٹرمپ کا ایران کو سخت انتباہ، آبنائے ہرمز بند رہی تو صبر ختم ہوجائے گا

اسلام آباد(پاکستانی نیوزڈیسک) امریکی صدر Donald Trump نے خبردار کیا ہے کہ آبنائے ہرمز کی بندش کے معاملے پر ایران کے ساتھ امریکا کا صبر جواب دیتا جا رہا ہے اور اگر تہران نے مذاکرات سے انکار جاری رکھا تو دوبارہ فوجی کارروائی کی جا سکتی ہے۔

میڈیا رپورٹس کے مطابق ٹرمپ نے دعویٰ کیا کہ چینی صدر Xi Jinping آبنائے ہرمز کو دوبارہ کھولنے پر متفق ہوگئے ہیں، تاہم چین کی جانب سے اس حوالے سے کسی براہِ راست مداخلت یا دباؤ کا واضح اشارہ سامنے نہیں آیا۔

بیجنگ سے واپسی کے دوران ایئر فورس ون میں صحافیوں سے گفتگو کرتے ہوئے ٹرمپ نے کہا کہ وہ ایرانی تیل درآمد کرنے والی چینی کمپنیوں پر امریکی پابندیوں میں نرمی کے امکان پر غور کر رہے ہیں۔ واضح رہے کہ چین ایرانی خام تیل کا سب سے بڑا خریدار ہے۔

جب ٹرمپ سے پوچھا گیا کہ آیا شی جن پنگ نے ایران پر آبنائے ہرمز کھولنے کے لیے دباؤ ڈالنے کا وعدہ کیا ہے تو انہوں نے جواب دیا کہ وہ کسی سے احسان نہیں مانگ رہے کیونکہ احسان کے بدلے احسان کرنا پڑتا ہے۔

کرنا پڑتا ہے۔

یاد رہے کہ امریکا نے گزشتہ ماہ ایران پر اپنے حملے معطل کر دیے تھے، تاہم “آپریشن پراجیکٹ فریڈم” کے تحت بحری ناکہ بندی برقرار رکھی گئی۔ اس کے جواب میں تہران نے مؤقف اختیار کیا کہ جب تک واشنگٹن ناکہ بندی ختم نہیں کرتا، آبنائے ہرمز پر پابندیاں برقرار رہیں گی۔