اداکارہ میرا کے مہیش بھٹ اور عالیہ بھٹ سے تعلقات کا انکشاف، سوشل میڈیا پر نئی بحث چھڑ گئی

اسلام آباد(پاکستانی نیوزڈیسک) پاکستانی اداکارہ Meera نے حالیہ انٹرویو میں بھارتی فلم ساز Mahesh Bhatt اور اداکارہ Alia Bhatt کے ساتھ اپنے قریبی تعلقات کے بارے میں اہم انکشافات کیے ہیں۔

میرا نے بتایا کہ انہوں نے بھارتی فلم Nazar میں مہیش بھٹ کے ساتھ کام کیا، جس کے دوران ان کے بھٹ فیملی کے ساتھ قریبی دوستانہ تعلقات قائم ہوئے۔ ان کے مطابق وہ بھارت میں قیام کے دوران مہیش بھٹ کے گھر بھی ٹھہریں اور خاندان کے ساتھ وقت گزارا۔

اداکارہ نے کہا کہ ان کی آنے والی فلم ’سائیکو‘ بھارت میں ریلیز نہیں ہو رہی، جس پر انہیں افسوس ہے۔ ان کا کہنا تھا کہ اگر فلم وہاں ریلیز ہوتی تو مہیش بھٹ اور ان کی اہلیہ ضرور اسے دیکھتے اور پسند کرتے۔

میرا نے مزید انکشاف کیا کہ جب وہ بھارت میں کام کر رہی تھیں تو اس وقت عالیہ بھٹ بہت کم عمر تھیں، تاہم اس دور میں بھی ان کے بھٹ فیملی کے ساتھ خوشگوار اور دوستانہ تعلقات تھے۔

اداکارہ کے ان بیانات کے بعد سوشل میڈیا پر ایک بار پھر بحث چھڑ گئی ہے، جہاں صارفین ان کے ماضی اور حال کے انکشافات پر مختلف آراء کا اظہار کر رہے ہیں۔