پاکستان سٹاک ایکسچینج میں مندی، ایشیائی مارکیٹس میں تیزی

اسلام آباد(پاکستانی نیوزڈیسک)پاکستان سٹاک ایکسچینج میں کاروباری ہفتے کے پہلے روز ٹریڈنگ کا آغاز منفی زون میں ہوا، جہاں ابتدائی لمحات میں ہی مارکیٹ میں نمایاں مندی دیکھی گئی۔

کاروبار کے آغاز پر 1300 سے زائد پوائنٹس کی کمی کے ساتھ ہنڈرڈ انڈیکس گر کر ایک لاکھ 69 ہزار 268 پوائنٹس کی سطح پر آ گیا۔ یاد رہے کہ گزشتہ کاروباری ہفتے کے اختتام پر ہنڈرڈ انڈیکس ایک لاکھ 70 ہزار 672 پوائنٹس پر بند ہوا تھا۔

دوسری جانب ایشیائی مارکیٹس میں مثبت رجحان دیکھا گیا۔ Nikkei 225 میں 1.89 فیصد اضافہ ریکارڈ کیا گیا، جبکہ SET Index 1.71 فیصد بڑھ گیا۔ اسی طرح Shanghai Composite Index میں 0.15 فیصد اضافہ ہوا۔

مزید برآں Hang Seng Index میں بھی 0.13 فیصد کی معمولی تیزی دیکھی گئی، جو خطے کی مجموعی مثبت کاروباری فضا کی عکاسی کرتی ہے۔